تيشيرت خريطة السودان

جودة القماش

أول شي، أي زول حيشوفك حيقول ليك جبت التيشيرت دا من وين؟ حتكون مميز جدا و انت لابسه

التيشيرت مصنوع من قماش من أفضل جودات القطن 100% و قماش تقيل معمول من خيطين. القماش مع أنه تقيل لكن حرصنا أنو يكون فيه مسامات تخليه بارد

برضو كنا حريصين انه يكون القماش فيه خاصية مطاطية عشان ما يضغط على الجسم شديد و عشان يكون مرن و تقدر تتحرك مرتاح وانت لابسه.

طبعا التيشريت معمول من قالب أوفرسايز Over-Size يعني واسع و حجمه كبير عشان يكون لايق عليك و استايله ظريف

القالب دا من التيشيرتات ينفع للرجال و النساء يعني ممكن اي كنداكة تلبسه لانو موحد للجنسين

جودة الطباعة

في الطباعة نحن بنستخدم تقنية ال “DTF” مع الطباعة الحرارية. يعني أثناء الطباعة بيتم نقل الحبر الخاص بطباعة القماش من الفلم المعمول بالديجيتل للنسيج حق القماش مباشرة. و دي حاليا من أحدث طرق الطباعة في العالم

الطبعة بتكون داخلة في نسيج القماش و في نفس الوقت ما بجيك شعور انه كانها بلاستيك ملصق في التيشيرت، أبدا، بالعكس ملمسها ناعم و كانها جزء من التيشيرت نفسه

نحن ما بنوعد بي حاجة ما حقيقة و ما ممكن نقول ليك انو الطبعة ما حتروح مع الزمن و الغسيل الكتير و الاستخدام لانو دا فعلا ممكن يحصل

لكن بنأكد ليك انو مقارنة باي تيشيرت في الاسواق حتكون طبعتنا و تيشيرت دولة 56 من أكتر التيشيرتات الحتعيش معاك و من أكتر التيشيرتات اللي طبعته حتكون موجودة و بإذن الكريم تستخدمه كتير جدا لاطول فترة زمنية

و طبعا نحن إخترنا الحاجة دي رغم انو كان ممكن نختار نوعية مختلفة من الطباعة الما بتروح نهائيا من القماش بس المشكلة حتبقى انو الجودة بتاعت القماش حتنقص كتير و حنضطر نخلي جزء من القماش بوليستر عشان كدا قررنا انو أهم شي الجودة و الملمس و الخامة و أخترنا لي أخوانا و حبايبنا في دولة 56 الحاجة الاخترناها لي نفسنا

جميع المواد البيتم إستخدامها في الإنتاج أو الطباعة آمنة و لا تمثل أي خطر على صحة الإنسان بإذن الله

مزيد من الصور

عندك #تيشيرت_خريطة_السودان؟

اذا عندك تيشيرت “خريطة السودان” أعمل بوست في أنستغرام أو فيسبوك أو تويتر للتيشيرت و انت لابسه تحت الهاشتاقين ديل:

#تيشيرت_خريطة_السودان
#دولة_56

و تواصل معانا في وتساب عشان نسلمك كوبون الخصم 20% في تيشيرتاتك الجاية مباشرة.